အခုနောက်ပိုင်း Hot topic ဖြစ်ဖြစ်နေတဲ့ UI/UX Designer position သည် Product Development မှာ Dispensable role တစ်ခုလား? UI/UX designers တွေရဲ့ role & responsibilities တွေက တကယ်ပဲ ဘာတွေများလဲ..? 🤔💭💭

Photo by Amélie Mourichon on Unsplash

တစ်ဦးတစ်ယောက်ရဲ့ personal အမြင်ထက် မြန်မာနိုင်ငံရဲ့ project development nature ကို အခြေခံပြီး UI/UX Designer role သည် project team ကိုဘယ်လိုအခန်းကဏ္ဍကနေ support ပေးတယ် business အတွက် value added ဘယ်လိုတွေရှိနိုင်တယ်ဆိုတာလေး knowledge sharing လုပ်ပေးချင်ပါတယ်။

Project Speed, Iteration, and Cost

Photo by micheile henderson on Unsplash

UI/UX Designer role ရဲဲ့ Key contributions တွေထဲက ပထမတစ်ခုကတော့ project timeline တွေကိုပိုပြီးမြန်စေတာပါပဲ

UI/UX designer တွေကို project အစောပိုင်းမှာတည်းက ထည့်ခဲ့ရင်

• user flows နဲ့ prototypes တွေ ဖန်တီးပေးမှာဖြစ်တဲ့အတွက် developers တွေအတွက် လမ်းညွှန်တစ်ခုပေးလိုက်သလိုပါပဲ။

• ဘာအကျိုးရှိလဲဆိုရင် အချိန်ကုန်တဲ့ ထပ်တလဲလဲ development တွေလုပ်လိုက် ပြလိုက် ပြင်လိုက်နဲ့ requirement clarification လုပ်ရတဲ့ effort တွေ အများကြီးသက်သာသွားတဲ့အတွက် designer မရှိပဲလုပ်ရတာထက်စာရင် code ပြင်ရပြုရတာတွေအတော်လေးကို နည်းသွားတာတွေ့ရပါလိမ့်မယ်။

• ဒီနေရာမှာ code ဆိုတာလဲ Frontend ပိုင်းပဲ မဟုတ်ပါဘူး user flow & process workflow ဖြတ်ပြီးသားဖြစ်တဲ့အတွက်ကြောင့် frontend, backend, တွေကစလို့ database design အထိ အကျိုးရှိတာကိုတွေ့ရမှာပါ။ (ဒါကလဲ designer နဲ့တွဲလုပ်ဖူးတဲ့ developers တွေဆို ပိုသိကြမှာပါ။ )

ထပ်ဆောင်းအနေနဲ့က UI/UX designer တွေကို အစပိုင်းကတည်းက project ထဲထည့်ထားမယ်ဆိုရင်

• development effort မပါခင်တည်းက screen flow နဲ့ workflowတွေမြင်ရတဲ့အတွက်ကြောင့် နောက်ပိုင်းကြုံလာနိုင်တဲ့ potential issues တွေကို project team အနေနဲ့ စောစောစီးစီးရှာဖွေတွေ့ရှိနိုင်စေပါတယ်။

• နောက်ပိုင်းအဆင့်တွေမှာ redesign ပြန်လုပ်ရ bug fix တွေကြောင့်ဖြစ်လာမယ့် cost တွေကို cut down လုပ်နိုင်မှာဖြစ်ပါတယ်။

မြန်မာနိုင်ငံမှာက tight budget, tight timeline နဲ့အလုပ်လုပ်ရတာတွေ များတတ်တာကြောင့် အစဦးပိုင်းကတည်းက UI/UX Deisgner တွေနဲ့ user requirements clarification တွေ, usability testing တွေကောင်းကောင်းလုပ်ထားရင် နောက်ပိုင်းမှ စရိတ်စကကြီးကြီး development effort ကြီးကြီးနဲ့ ပြင်ရတဲ့ surprise cost တွေပေါ်လာနိုင်ခြေ လျော့ကျသွားမှာပါ။

Reducing the Workload of Developers

Developer တစ်ယောက် UI Design စဉ်းစားဖိုဘယ်လောက်ကြာပါသလဲ?

Photo by Jason Strull on Unsplash

UI/UX design က တန်ဆာဆင်တဲ့ professionလို့ ထင်နေကြတဲ့ လူတွေ များပါတယ်။ ဒါပေမယ့် UI/UX designer နဲ့ developer တွေသာ ပူးပေါင်းလုပ်ဆောင်ကြမယ်ဆိုရင် မြန်ပြီး ပိုထိရောက်တဲ့ product flow တွေထွက်လာမှာပါ။

Designer တွေဘက်က user needs တွေကို ကောင်းကောင်းနားလည်ပြီး intuitive interfaces တွေဘက်ကို အာရုံစိုက်ဖန်တီးပေးနေတဲ့အချိန်မှာ developer တွေအနေနဲ့ကလည်း technical ပိုင်းကို ပိုအားစိုက်နိုင်သွားစေမှာပါ။

နောက်တချက်က Designers တွေက design systems နဲ့ component libraries အသေးစိတ်တွေကို developers တွေသုံးဖို့ ဖန်တီးပေးပါတယ်။

Photo by Harpal Singh on Unsplash

• ဒီ အချက်ကြောင့် coding process ကို မြန်ဆန်စေပြီး တွေဝေနေရတာတွေ component ဟိုတစ်မျိုးဒီတစ်မျိုး ဖြစ်နေလို့ အကုန် ပြန်လိုက်ညှိနေရတာမျိုးတွေ လျော့ချပေးပါတယ်။

• မြန်မာပြည် က tech teams တွေလို workload တွေအရမ်းများတဲ့နေရာမျိုးမှာတောင် qualtiy ပိုကောင်းတဲ့ consistent ဖြစ်တဲ့ product တွေထွက်လာစေပါတယ်။

Business Value and Customer Satisfaction

Business တစ်ခုရဲ့ နောက်ဆုံး ultimate goal က user needs လိုအပ်ချက်တွေနဲ့ကိုက်တဲ့ product တွေကနေတစ်ဆင့် customer satisfaction ကို မြှင့်တင်ချင်တာ business success ဖြစ်ချင်တာပါပဲ။ ဒီ Goal ကို အကောင်ထည်ဖော်ဖို့ဆိုရင် UI/UX designer တွေရဲ့အကူအညီနဲ့ business ရဲ့ functional requirement တွေ meet ဖြစ်ရုံသာမက user သုံးရတာပါ စိတ်ကျေနပ်စေမယ့် product တွေဖန်တီးနိုင်မှာပါ။

ကောင်းမွန်တဲ့ user experience ရှိတဲ့ product တစ်ခုက customer စိတ်ကျေနပ်မှုကို မြင့်တင်ပေးပြီး brand loyalty ကိုပါ ဖော်ဆောင်ပေးပါတယ်။ customer တွေက product တွေသုံးရတာ စိတ်ချမ်းသာရင် အဲ့ product အကြောင်းကို အခြားသူတွေဆီ recommend လုပ်လေ့ရှိကြပါတယ်။ အထူးသဖြင့် မြန်မာပြည်နိုင်ငံလို Word-of-mouth က main marketing tool တစ်ခုလိုဖြစ်နေတဲ့နိုင်ငံမှာပေ့ါ။

ဒါကြောင့် UI/UX design မှာ ရင်းနှီးမြှုပ်နှံခြင်းက Business Value ကို မသွယ်ဝိုက်ပဲ တိုက်ရိုက်ကို အကျိုးသက်ရောက်မှုရှိစေတာပါ။

Dependence on Project Size

Photo by Jason Goodman on Unsplash

UI/UX design ရဲ့ impact က project size နဲ့ scope ပေါ်မူတည်ပြီးတော့ ပြောင်းလဲနိုင်ပါတယ်။ အသေးစား project တွေအတွက်ဆိုရင် Designers တွေက လူနည်းနည်း (သို့) တစ်ဦးတစ်ယောက်တည်းနဲ့ task တွေအများကြီးလုပ်ရလေ့ရှိပါတယ်။ User research, wireframing, prototyping စသည်ဖြင့် ဘက်စုံ ဝင်ရောက်လုပ်ဆောင်ရပါလိမ့်မယ်။ ဒီအခြေအနေတွေမှာ UI/UX designer role ရဲ့ သက်ရောက်မှု impact က ပိုပြီးမြင်သာတတ်ပါတယ်။

project အကြီးတွေမှာ company ကြီးတွေမှာဆိုရင်တော့ UI/UX designer တွေအတွက် သူ့အခန်းကဏ္ဍအလိုက် တာဝန်ခွဲခြားထားတာတွေရှိပါတယ်။ Interaction design, visual design, user research စသဖြင့် specialized designer တွေက သူ့အပိုင်းနဲ့သူ စနစ်တကျ လုပ်ဆောင်ရပါလိမ့်မယ်။ အဲလိုတွေခွဲခြားထားပေမယ့် အားလုံးရဲ့ basic principle ကတော့အတူတူပါပဲ, overall business strategy ကို အထောက်အကူပြုမယ့် user-centric designs တွေကို ဖန်တီးပေးရမှာပဲဖြစ်ပါတယ်။

Conclusion

ဒီတော့ အကျဉ်းချုပ်အနေနဲ့ဖော်ပြချင်တာက UI/UX designer role ဟာ product teams တွေအတွက် creativity နဲ့ analytical thinking ပိုင်းကို ပေါင်းစပ်တဲ့နေရာမှာ indispensable role ပါ။ Project speed ကို မြှင့်တင်ပေးပြီး cost တွေ လျှော့ချပေးတယ်။ Developer တွေရဲ့ workload တွေ လျှော့ချပေးတယ်။

အရေးကြီးဆုံးကတော့ end product က customer satisfaction နဲ့ business success နှစ်ခုလုံးအတွက် cover ဖြစ်စေတယ်။

UI/UX design မှာ ရင်းနှီးမြှုပ်နှံတာဟာ တချို့တွေထင်နေသလို product တွေကိုလှအောင် မိတ်ကပ်လိမ်းတာ သပ်သပ်မဟုတ်ပဲ user နဲ့ business အတွက် အဓိကတန်ဖိုးရှိတဲ့ experience တွေဖန်တီးပေါင်းစပ်ခြင်းပဲ ဖြစ်ပါတယ်။

Author Note: ဒီ topic နဲ့ပက်သက်ပြီး စာရေးမယ်ရေးမယ်နဲ့ မရေးဖြစ်ပဲ စိတ်ထဲမှာပဲစာစီနေလိုက်တာ အခုထိရောက်သွားပါတယ်။ဒီ topic နဲ့ပတ်သက်ပြီး စိတ်ဝင်စားရင် လွတ်လပ်စွာ ဆွေးနွေးနိုင်ပါတယ်ရှင်။